Беларусы ўсё ж змогуць паглядзець чэмпіянат свету па футболе. Вось як гэта можна будзе зрабіць

20 лiстапада 2022 у 1668972780
«Зеркало»

Заўзятары ў Беларусі ўсё ж змогуць паглядзець матчы чэмпіянату свету па футболе. Пра гэта паведаміла Асацыяцыя «Беларуская федэрацыя футбола». Матчы будуць даступныя на мультымедыйнай платформе ФІФА. Нагадаем, турнір праходзіць з 20 лістапада да 18 снежня.

«Па выніках перамоваў кіраўніцтва Асацыяцыі "Беларуская федэрацыя футбола" і ФІФА было дасягнутае пагадненне аб адкрыцці з тэрыторыі Беларусі доступу на платформу ФІФА для прагляду матчаў чэмпіянату свету 2022 года», - гаворыцца ў паведамленні АБФФ.

- Мы не маглі пакінуць беларускага заўзятара без прагляду гульняў мундыялю. Нягледзячы на ўсе складанасці цяперашняй сітуацыі, мы правялі вялікую працу з ФІФА і дамагліся права трансляцыі матчаў чэмпіянату свету на тэрыторыі нашай краіны, - адзначыў старшыня АБФФ Уладзімір Базанаў.

Жывыя трансляцыі матчаў чэмпіянату свету ФІФА 2022 года на тэрыторыі нашай краіны будуць даступныя па спасылцы.