Самая вялікая праблема Беларусі на сёння — дэмаграфія. Пра гэта Аляксандр Лукашэнка заявіў на сустрэчы з жыхарамі аграгарадка Белавежскі ў Камянецкім раёне, перадае яго прэс-служба.
— База ў нас добрая. Народ мы накормім. Будзем сытыя, абутыя і адзетыя. Не думаю, што ў вас праблемы ў гэтым, але трэба глядзець, каб дзеці атрымлівалі ўсё тое, што хоча даць дзяржава, — адзначыў Аляксандр Лукашэнка. — Самая вялікая праблема для нас цяпер ужо не эканамічная (хаця ўсё ад эканомікі), а дэмаграфічная. Нам трэба больш, больш, больш насельніцтва.
Спікер таксама запэўніў, што дзяржава «заўсёды будзе падтрымліваць шматдзетныя сем'і».
— Шчыра кажучы, я часам, калі пачынаю аналізаваць, думаю, мы проста можам не вытрымаць у нейкі год такой падтрымкі, — сказаў Лукашэнка.
Чытайце таксама
