Лістапад пачнецца з няўстойлівага і ветранага надвор’я. Пры гэтым калі ў пятніцу тэмпература паветра яшчэ будзе плюсавой, то ў суботу ў выніку паступлення арктычнай паветранай масы тэмпературны фон знізіцца, а ападкі пяройдуць у змяшаную фазу — снег, мокры снег, дождж, што разам з мінусавой тэмпературай будзе прыводзіць да галалёду і галалёдзіцы, паведамляе Белгідрамет Мінпрыроды.
2 лістапада, у суботу, на большай частцы тэрыторыі Беларусі чакаюцца дажджы. Месцамі на паўночна-ўсходняй палове краіны — слабы галалёд, на асобных участках дарог галалёдзіца. У многіх раёнах прагназуецца ўзмацненне ветру парывамі 15−20 м/с, ноччу месцамі 21−24 м/с. Тэмпература паветра мінімальная ноччу ад -2°С на поўначы да +6°С на поўдні, максімальная днём ад 0 °C на паўночным усходзе да +8°С на поўдні.
3 лістапада, у нядзелю, ноччу месцамі невялікі кароткачасовы снег, мокры снег, днём на большай частцы тэрыторыі Беларусі ападкі — снег, мокры снег, дождж. У асобных раёнах слабы галалёд, на дарогах галалёдзіца. Ноччу месцамі, днём у многіх раёнах узмацненне ветру парывамі 15−20 м/с. Тэмпература паветра мінімальная ноччу −4…+1°С, максімальная днём 0…+7°С.
Нагадаем, 1 і 2 лістапада абвешчаны аранжавы ўзровень небяспекі праз моцны вецер.